Iskanje po repozitoriju

A+ | A- | | SLO | ENG

Opis: Qëllimi i këtij hulumtimi është që të identifikohen shkaqet e vonesave në zgjidhjen e rasteve gjyqësore dhe paraqitja e Zgjidhjeve Alternative të Kontesteve si hap konkret në uljen e numrit të lëndëve dhe shërbim më të shpejtë për palët. Ky hulumtim do të bazohet në krahasimin e dy sistemeve gjyqësore dhe target do të ketë avantazhet dhe disavantazhet. Duke marrë parasysh raportet vjetore të Këshillit Gjyqësor të Kosovës në numrin e lëndëve të pazgjidhura e të cilat çdo vit vetëm sa rriten, është menduar që palët duhet të informohen rreth alternativave tjera për të zgjidhur rastet që kursejnë kohën dhe paratë. Përzgjedhja e kësaj teme ka ardhur si pasojë që të ndërtohet një sistem funksional që ofron mundësi të shumta për palët që të zgjidhin kontestet e tyre në mënyrë më efikase. Duke u bazuar në raportet vjetore nga KGJK, kontestet marrin vite kohë që të zgjidhen, që gjatë gjithë kohës dëmton palën. Në këtë hulumtim janë përdorur disa metoda, siç janë teorik për të përshkruar sistemin aktual gjyqësor në Republikën e Kosovës dhe alternativat tjera në zgjidhjen e kontesteve; pastaj metoda e analizës ku do të diskutohet rreth avantanzheve dhe disavantazheve të këtyre sistemeve gjyqësore dhe në fund metoda krahasuese ku do të përfshihen shtetet si Sllovenia dhe Gjermania që të arrihet një konkludim se ku qëndrojmë si shtet në këtë aspekt. Gjithashtu kemi parashtruar dy hipoteza të cilat na kanë ndihmuar në arritjen e rezultateve të kërkuara për trajtimin e problemit. Në bazë të gjetjeve, kemi arritur në konkludim që të dy hipotezat janë konfirmuar si të përshtatshme, që do të thotë se bartja e e lëndëve gjyqësore tek alternativat si arbitrazhi apo ndërmjetësimi, kursejnë kohë dhe para për të gjitha palët dhe redukton numrin e stërmadh të lëndëve të pazgjidhura ndër vite.
Najdeno v: osebi
Objavljeno: 24.09.2018; Ogledov: 2008; Prenosov: 118
Celotno besedilo (730,33 KB)