1.
Sustainable building materials analysis case studyEljesa Arifi, 2017
Abstract: Baza e këtij hulumumtimi është të identifikohet funksioni dhe rëndësia e materialeve të qëndrueshme në kulturën ndërtimore në Kosovë. Materialet e qëndrueshme janë materialet të cilat tregojnë një përformancë të lartë gjatë gjithë ciklit të tyre jetësor duke filluar që nga fazat fillestare, mënyrës së prodhimit, përdorimit, ripërdorimit pastaj edhe reciklimit të tyre etj. Arsyeja kryesore për përzgjedhjen e këtij hulumtimi janë pikërisht problemet dhe çështjet e ngrohjes globale e që fatkeqësisht koncepti i qëndrueshmërisë në Kosovë nuk gjenë zbatim. Duke pasur parasysh që sektori i ndërtimtarisë në Kosovë është më i zhvilluari por në anën tjetër, mungon qasja dhe strategjitë për një zhvillim të qëndrueshëm. Prandaj qëllimi kryesor i këtij hulumtimi është pikërisht analizimi, hulumtimi i metodave dhe materialeve të qëndrueshme të cilat përdoren tek ne. Me qëllim që ky hulumtim të shërbejë si udhëzues për mundësinë e aplikimit të qëndrueshmërisë në Kosovë. Pas shumë analizave dhe studimeve se cili projekt do të ishte shembulli më i mirë dhe më adekuat ku është përqafuar qëndrueshmëria, ne kemi ardhur në përfundim që si rast studimor të merret ndërtesa e Klan Kosova-ish fabrika e Amortizerave. Ky transformim, i objektit të Klan Kosovës me destinacion dhe funksion të ri, duke aplikuar me mjeshtëri kërkesat e qëndrueshmërisë, ka qenë arsyeja dhe kureshtja për t`a bërë një studim të tillë. Prandaj ky studim analizon materialet të cilat përdoren në Kosovë dhe më specifikisht materialet të cilat janë përdorë në ndërtesën e renovuar të Klan Kosovës. Sipas të dhënave dhe përfundimeve të cilat kemi mundur t'i arrijmë, ne kemi konkluduar se hipotezat të cilat janë parashtruar kanë rezultat pozitiv. Në këtë mënyrë mund të themi aplikimi i materialeve të qëndrueshme është zgjidhje e nevojshme dhe fuqimisht e propozuar për kulturën ndërtimore në Kosovë sepse aplikimi dhe vetëdijësimi në aplikimin e këtyre materialeve konsiston në përfomancë të lartë gjatë ciklit jetësor të ndërtesës, ekuilibër mes impaktit social, mjedisor, ekonomik dhe një hap të rëndësishëm drejt zhvillimit të qëndrueshëm.
Found in: osebi
Published: 16.08.2018; Views: 2235; Downloads: 110
Fulltext (1,62 MB)
